සැඳෑ හිරු බැසයත්ම ඈත් නුදුර වූ කදු නෙත් අතරින් නැගී එන සඳ මඩල වැව් තෙර නදියේ චමත්කාරයද එක්ව ගෙන දෙනුයේ මහත්වූ ලයාන්විත ආස්වාදයකි. සැදෑ හිරු අවරට යත්ම සියතුන් ඔවුනොවුන්ගේ කැදලි කරා පියබා ගොසිනි.අවටින් නැගෙනුයේ මැඩියන්ගේ මැඩි සංගීත නාදයයි. ඒ අතරට ඈතින් මුසුවන හඩ නම් නිසසල හඳ එළියේ පියනගන කෑරලුන්ගේ හඩය.වැවු දිය හා ගැටෙමින් ඈතින් හමා එන මදනළ ගතට මෙන්ම සිතටද ගෙන දෙනුයේ පාරිශුද්ධ මෙන්ම පිවිතුරු චේතනාවන්ය.
වැවු දිය හා කෙලිලොල් වන පුන් සදෙහි ඡායාව චංචල දිය මත දිලෙමින් ගෙන දෙනුයේ අපූරු සුන්දරත්වයකි.ඒ දිය කද දෙපලු කරමින් සෙමෙන් සෙමෙන් ඇදෙන ඒ ඔරුවේ දිස්වනුයේ ආදරයේ පූජනීයත්වය කැටිව මල් නෙලමිය් යන සොදුරුතම යුවලකි.කරගැට නැගුණු දෑතින් හබල් ගසා ජීවිතය නැමැති සයුරේ ඉදිරියට ඇදෙන ඔහු හා ඇත්තේ සියුමැලි දෑතින් එක්කරගත් පිරිපුන් සුදු නෙළුම් මල් කලඹක් අතැති ශ්රියා කාන්තාවයි.
තරමක් උස්වූ, පිරිපුන් සුදෝ සුදු සද එලියේ නැහැවී ගත් නුදුරු වෙහෙර බලා මොවුන් පිය නගනුයේ මේ මල් මුණිදුට පුදා සදාතනික ආදරයෙන් අප එක්වේවායි යන අති පවිත්ර ප්රාර්ථනාව පෙරදැරිවයි. අවටින් දිස්වන පෞරාණික නෙත්කලු කැටයමින් යුත් ටැම් සමූහයාද ඒ දෙස නෙත් අයා සිටිනුයේ ආශිර්වාදාත්මක දෙනෙතින්.
එවන් සොදුරු අතීතයක මතක සටහන් අතරේ අද මා මේ වැවු තෙරේ වූ මාකදයින්ගේ දර්ශණ හා බකමූණු හ්ඹ්ම්...හ්ඹ්ම්... හඩ අතර විරසකිනි. පසෙකින් අදුරු අහසේ කළු වලාකුලු අතරින් බැසයන සඳය. බොරවු වැවු දිය මත ඇත්තේද මී හරක් හා වල් හරකුන්ගේ කුරු සටහන්ය.
මෙවන් පාලු නිසල රැයක අද මා......
Sampath M.T.E.A,
www.nenasala.org
info@nenasala.org
Friday, 28 September 2007
සදාචාරයෙන්, සංස්කෘතියෙන් හා සභ්යත්වයෙන් පිරිපුන් විශ්ව ගම්මානයක් කරා.......
සියවසෙන් සියවස,දසකයෙන් දසකය, වර්ෂයෙන් වර්ෂය,මාසයෙන් මාසය, සතියෙන් සතිය, දිනෙන් දින, වරුවෙන් වරුව, පැයෙන් පැය, මොහොතින් මොහොත ඉදිරියට යත්ම ඔබත් - මමත්, ගසුත්- වැලුත් ඇතුලු මුළු විශ්වයම තාක්ෂණයේ අග්රගන්ය ප්රථිලාභ භුක්තිවිදීමට සැරසෙන මොහොතක සදාචාරයෙන්, සංස්කෘතියෙන් හා සභ්යත්වයෙන් පිරිපුන් විශ්ව ගම්මානයක් බිහිකිරීමට ඇරයුමයි මේ....
එරන්ද සම්පත්,
අධ්යක්ෂක,
නැණසල -කණ්ඩියපිටවැව
www.nenasala.org
info@nenasala.org
0722 508 608
Subscribe to:
Comments (Atom)
